طمني عليك

بنطمّن عليك كل يوم

في المواعيد اللي بتختارها يوصلك تذكير، وتطمّنا بضغطة واحدة. ولو الوقت عدّى من غير رد، بنبعت رسالة لأقرب الناس ليك فيها آخر مرة طمّنتنا وآخر مكان كنت فيه.

اختار مواعيدك

مرة واحدة في اليوم، أو لحد 5 مواعيد وبين كل ميعاد والتاني 3 ساعات على الأقل. في كل ميعاد يوصلك إشعار يسألك إنت كويس.

طمّنا بضغطة

لما يوصلك الإشعار، افتح التطبيق واضغط «الحمدلله، أنا بخير». أو اضغطها من الويدجت على الشاشة الرئيسية من غير ما تفتح التطبيق.

لو مردّتش

لو المهلة خلصت ومأكّدتش إنك بخير، بنبعت رسالة SMS لجهات الطوارئ فيها لينك لصفحة عليها آخر مرة طمّنتنا، وآخر موقع ليك، ونسبة البطارية.

الرسايل بتتبعت من سيرفراتنا، فبتوصل حتى لو موبايلك مقفول أو مفيهوش نت.

رسالة خاصة لكل واحد

لكل جهة اتصال بتكتب رسالة بتاعتها لوحدها. لو فضلت مش بترد بعد المدة اللي تختارها (الافتراضي يومين)، بنبعت لكل واحد رسالته.

آخر مكان ليك يطمّنهم

مع كل تذكير، وقبل ما نبعت لجهات الطوارئ بدقيقة، بنحاول ناخد مكانك ونسبة البطارية من موبايلك، عشان لو الرسالة اتبعتت يبقى فيها أحدث مكان ليك ويطمنوا عليك أكتر.

من غير الموقع الرسالة بتوصل برضه، بس من غير لينك المكان.

استغاثة في ثانية

لو حسّيت بخطر، اضغط «استغاثة» من التطبيق أو الويدجت. معاك 3 ثواني تلغي فيهم، وبعدها بنبعت موقعك الحالي لكل جهات الطوارئ.

ابعت استغاثتي للقريبين مني

لو مفعّل الاختيار دا وتستغيث، مستخدمين التطبيق اللي حواليك يوصلهم تنبيه، ويقدروا يشوفوا مكانك لمدة ساعة.